Danmark keypir verjuútgerð fyri 58 milliardir

Danska stjórnin og flokkarnir í verjusemjuni eru samd um at keypa verjuútgerð fyri 58 milliardir krónur, og tað er met.

Tað kunngjørdi Troels Lund Poulsen, verjumálaráðharri, á tíðindafundi fyrrapartin.

Hetta er størsta vápnakeyp í Danmark yvirhøvur.

- Hetta er ein áminning um, at vit styrkja orkuna at stríðast. Tað hevur týdning, at Danmark kann verja seg sjálvt, og eingin ivi er um, at stórar avbjóðingar eru í trygdarpolitikkinum, sigur verjumálaráðharrin.

Tær 58 milliardirnar verða brúktar til at keypa og reka átta loftverjuskipanir. Skipanirnar verða keyptar frá fýra evropeiskum vápnaframleiðarum.

Danmark hevur ikki loftverjuskipanir á jørðini síðani 2004.

.