Einki bendir á, at dronurnar ætlaðu at leypa á

Flogvøllurin í Keypmannahavn er nú opin aftur, eftir at ókendar dronur í fýra tímar ávirkaðu flogferðsluna í gjárkvøldið.

Dronurnar vóru ymsastaðni yvir floghavnini í Kastrup.

Ongar ábendingar vóru um, at tey, sum stýrdu dronunum, høvdu í hyggju at leypa á, men vildu vísa seg og kanskja venja, sigur Jens Jespersen, løgregluovasti í Keypmannahavn.

Dronurnar eru nú burtur.

Floghavn í Keypmannahavn, Kastrup

Floghavnin í Keypmannahavn læt aftur í gjarkvøldið, tá dronur vóru sæddar yvir flogvøllinum, og løgreglan var eisini boðsend. (Mynd: Ritzau Scanpix)

Flogfør umleidd

Tilsamans 31 flogfør vóru umleidd, og meira enn 20.000 ferðafólk eru ávirkað av støðuni. 

Fleiri seinkingar kunnu væntast í flogferðsluni til og úr Kastrup í dag.

Tíðindafundur var tíðliga í morgun, og fjølmiðlar vildu vita, um hetta er ein russisk atgerð.

Men tað vildi Jens Jespersen, løgregluovasti í Keypmannahavn, ikki svara, men hetta eru fólk, sum duga væl við dronum, segði hann:

Norskir miðlar skriva, at ein drona var eisini sædd yvir flogvøllinum í Oslo í gjárkvøldið. Flogferðslan var flutt yvir á eina aðra flogbreyt, skrivar NRK.