- Tíðindi, mentan og ítróttur
Geir Haarde fyri mannarættindadómstólin
Geir Haarde fyri mannarættindadómstólin
Dómurin móti fyrrverandi íslendska forsætisráðharranum endar nú í Strasbourg
![](https://kvf.fo/sites/default/files/styles/grein-ovasta-mynd/public/ed6e8013ecf00c190c6de78b3f8a8aad.png?itok=otQ6EhEE)
28.11.2013 - 10:19
Evropeiski mannarættindadómstólurin í Strasbourg hevur boðað frá, at dómurin í málinum, har íslendska Altingið hevur stevnt fyrrverandi íslendska forsætisráðharranum, Geir Haarde, verður nú tikin til viðgerðar.
Geir Haarde varð dømdur sekur í einari av fýra ákærum, sum íslendska altingið hevði reist móti honum í Hægstarætti í Íslandi. Ákærurnar snúði seg um, at hann ikki hevði hildið skyldur sínar sum forsætisráðharri, sambært íslendsku grundlógini.
Íslendska stjórnin skal innan 6. mars næsta ár hava sent dómstólinum viðmerkingar um málið, skrivar heimasíðan hjá íslendska Morgunblaðnum, mbl.is.
Tað var í oktober í fjør, at Geir Haarde boðaði frá, at hann skjeyt dómin inn Mannarættindadómstólin í Strasbourg.
Nýggjastu sendingar í ÚV
Nýggjastu sendingar í SV