Hekkuportrið: Kanna um SSL hevur handfarið málið á nøktandi hátt

Landsstýrismaðurin í samferðslumálum fer nú upp í málið um opna hekkuportrið á Galaxy. 

Fiskivinnu- og samferðslumálaráðið, sum hevur yvirskipaðu ábyrgdina av Strandferðsluni, fer at kanna, um Strandferðslan hevur handfarið málið um hekkuortrið á Galaxy nøktandi hátt.

Tað sigur Jóhan Christiansen, landsstýrismaður, í tíðindaskrivi fyri løtu síðani. 

Jóhan Christiansen

Jóhan Christiansen. 

Hann sigur, at Sjóvinnustýrið tekur sær av at kanna trygdina umborð á Galxy, men upplýsingarnar, sum eru komnar fram seinastu dagarnar, hava gjørt, at spurnatekn kann setast við, hvussu Strandferðslan hevur handfarið málið. 

Fiskivinnu- og samferðslumálaráðið, sum hevur yvirskipaðu ábyrgdina av Strandferðsluni, hevur tí gjørt av at fara at kanna, hvørt Strandferðslan hevur handfarið málið á nøktandi hátt, sigur landsstýrismaðurin í samferðslumálum í tíðindaskrivinum.