Stjórnarkreppa í Fraklandi

Pensjónsnýskipanin, sum hevur elvt til stjórnarkreppu í Fraklandi, kann útsetast til eftir forsetavalið í 2027.

Tað sigur Sébastien Lecornu, forsætisráðharri.

- Eg fari í heyst at skjóta upp fyri tjóðartinginum, at vit útseta pensjónsnýskipanina frá 2023 til forsetavalið. Pensjónaldurin hækkar ikki fyrr enn í januar 2028, segði Lecornu við tjóðartingið, tá hann í dag legði fram fíggjarlógarskotið hjá sær.

Uppskotið um at hækka pensjónsaldurin úr 62 upp í 64 ár hevur elvt til stórar mótmælisgongur í Fraklandi. 

Fleiri ráðharrar hava lagt frá sær orsakað av ósemjuni um uppskotið.

Lecornu var útnevndur til forsætisráðharra 9. september, legði frá sær 6. oktober og var tilnevndur forsætisráðharri aftur 10. oktober. 

Hann er fimti forsætisráðharri í Fraklandi í tvey ár.