- Tíðindi, mentan og ítróttur
Senatorur: Ikki gott hugskot hjá USA at taka Grønland
Senatorur: Ikki gott hugskot hjá USA at taka Grønland
11 amerikanskir kongresslimir vitja Danmark í dag, og teir hava hitt bæði danskar og grønlendskar politikarar
Frá tíðindafundinum á Christiansborg seinnapartin.
Mynd: Ritzau Scanpix
16.01.2026 - 15:45
Meirilutin av amerikanarum heldur ikki, at tað er eitt gott hugskot, at USA skal taka Grønland
Tað segði Lisa Murkowski, amerikanskur senatorur, á tíðindafundi á Christiansborg fyri løtu síðani.
Amerikanskir kongresslimir, bæði úr senatinum og umboðsmannatinginum, vitja í dag fólkatingið.
Kongresslimirnir hava hitt bæði danskar og grønlendskar politikarar, og fundur hevur eisini verið við uttanríkispolitisku nevndina í fólkatinginum, har bæði grønlendskir og føroysklir fólkatingslimir eisini hava sæti.
Lisa Murkowski, senatorur, segði á tíðindafundinum eftir fundin í uttanríkispolitisku nevndini, at 75 prosent av amerikanarum halda ikki, at tað er eitt gott hugskot, at USA tekur Grønland.
- Grønland skal síggjast sum ein sameindur, ikki sum ein ogn, segði hon.
Lisa Murkowski var spurd, hvat kongressin kann gera til tess at steðga ætlanini hjá Trump, forseta, at taka Grønland.
Lisa Murkowski. (Mynd: Ritzau Scanpix)
- Tað er týdningarmikið hjá kongsríkinum at skilja, at vit hava tríggjar sjálvstøðugar greinar í USA. Forsetin er ein grein, men kongressin hevur eisini ein leiklut, m.a. tá ið ræður um at brúka pening, segði Murkowski.
Kristianna Klein, journalistur í Kringvarpinum, var eisini á tíðindafundinum á Christiansborg:
16012026_Kristianna
Er kopiera
Nýggjastu sendingar í ÚV
Nýggjastu sendingar í SV
