- Tíðindi, mentan og ítróttur
Jens-Frederik og Mette á veg til Týsklands og Fraklands
Jens-Frederik og Mette á veg til Týsklands og Fraklands
Grønlendski landsstýrisformaðurin og danska forsætisráðfrúan fara at viðgera geopolitisk viðurskifti við týsku stjórnina og franska forsetan, Emmanuel Macron.
Mette Frederiksen, forsætisráðfrúa, vitjaði Jens-Frederik Nielsen, formann í grønlendska landsstýrinum, fyri nøkrum døgum síðani. Nú eru tey bæði á veg til Týsklands og Fraklands.
Mynd: Mads Claus Rasmussen/Ritzau Scanpix
27.01.2026 - 11:16
Formaðurin fyri Naalakkersuisut, Jens-Frederik Nielsen, er á veg til Berlin saman við donsku forsætisráðfrúuni, Mette Frederiksen.
Tað er politiska støðan í heiminum og tørvurin á einum styrktum Evropa, sum eru á dagsskránni, stendur í tíðindaskrivi frá forsætismálaráðnum.
Jens Frederik-Nielsen, landsstýrisformaður, fer saman við Mette Frederiksen á toppfund í Týsklandi, har týska stjórnin og týskt vinnulív viðgera geopolitisk og búskaparlig evni.
Eftir hendan fundin og tiltøk, ið hoyra til, fara tey bæði víðari til París, har tey skulu hitta franska forsetan, Emmanuel Macron. Eisini har er trygdarstøðan hjá Evropa á dagsskránni.
Er kopiera
Nýggjastu sendingar í ÚV
Nýggjastu sendingar í SV
