Ungfólk í Danmark skulu læra meira um Føroyar og Grønland

Danskir myndugleikar leggja stóran dent á, at tey ungu í Danmark fáa meira at vita um Føroyar og Grønland.

Býráðið í Keypmannahavn samtykti til dømis í gjár at biðja barna- og ungdómsnevndina hjá kommununi kanna, hvussu kommunan kann menna vitanina hjá skúlanæmingum og fólki í Keypmannahavn yvirhøvur um ríkisfelagsskapin.

Hetta skal gerast í samstarvi við Grønlendska húsið og Føroyahúsið í Keypmannahavn.

Millum annað er uppskot um at menna vitanina við gestalærarum.

Nuuk og Keypmannahavn blivu vinarbýir í 2024. Tórshavnar kommuna er hvørki vinarbýur við Nuuk ella Keypmannahavn, men kommunan samstarvar tó við báðar høvuðsstaðirnar á fleiri økjum.

Summarskúli

25 miðnámsskúlanæmingar úr Føroyum, Danmark og Grønlandi sleppa í summarskúla í Grønlandi í juni og juli.

Skúlin verður frá 29. juni til 10. juli.

Hann verður í Qeqertarsuaq í Diskovíkini. 

Endamálið er at geva næmingum íblástur til at arbeiða við náttúruvísindum og skilja náttúruna í arktiska økinum.

Summarskúlin sameinir kanningararbeiði á staðnum við verkætlanararbeiði og mentanarsamskifti.