Mannarættindastríðsmaðurin Jesse Jackson er deyður

Amerikanski mannarættindastríðsmaðurin Jesse Jackson er deyður, upplýsir familja hansara fyri NBC News.

Jesse Jackson gjørdist 84 ára gamal.

- Pápi okkara var ein tænandi leiðari. Ikki bert hjá familju okkara, men eisini hjá teimum kúgaðu, hjá teimum, sum onga rødd hava, og hjá teimum fólkum um allan heim, sum ikki verða sædd, sigur Jackson-familjan í fráboðan.

- Óvikaliga trúgv hansara á rættvísi, javnrættindi og kærleika var kveikjandi hjá milliónum av fólki. Og vit biðja tykkum øll heiðra minni hansara við at halda fram at berjast fyri teimum virðum, hann livdi eftir.

Arbeiðið hjá Jesse Jackson byrjaði longu í mannarættindarørslunum í USA í sekstiárunum, sum Martin Luther King stóð á odda fyri.