Færri taka undir við tilflytarapolitikkinum hjá Trump

Bert 38 prosent av amerikanarum eru nøgdir við tilflytarapolitikkin hjá Donaldi Trump.

Og líka nógv eru sum heild nøgd við arbeiðið, hann ger sum forseti.

Seinasta kanningin hjá Reuters/Ipsos vísir lítla afturgongd í undirtøkuni fyri tilflytarapolitikkinum síðani januar. Tá vóru 39 prosent nøgd við hetta politiska økið.

Stutt eftir, at Trump kom aftur í Hvítu Húsini fyri góðum ári síðani, søgdu 50 prosent seg vera nøgd við tilflytarapolitikkin.

Burturvísa fólk

Eitt av lyftunum hjá Trump í valstríðnum var at seta í verk størsta átakið í áratíggju at burturvísa fólk, sum ikki hava lógligan bústað. 

Hann setti eisini gongd á hetta arbeiðið stutt eftir, at hann kom aftur til valdið, og í dag eru vápnaðir agentar hjá amerikanska tilflytara- og tollmyndugleikanum vanlig sjón nógva staðni í USA.

Eisini hava samanbrestir verið millum ICE-agentar hjá tilflytaramyndugleikanum og mótmælisfólk, og ICE-agentar hava skotið tveir amerikanskar ríkisborgarar til deyðis, skrivar NTB.