Búskaparfrøðingur: Demografiska gongdin í Suðuroy er sera vánalig

Demografiska gongdin í Suðuroy er ikki bara vánalig, hon er sera vánalig.

Tað gjørdi Hans Kári Vang, búskaparfrøðingur, greitt í framløgu síni á borgarafundinum í Salti mánakvøldið.

Hagtølini siga, at 1985 búðu 5.882 fólk í Suðuroynni, men í januar í ár var talið minkað niður í 4.492 fólk.

Tað eru 1.390 fólk færri, sum svarar til 23,6 prosent.

Orsøkin til gongdina er, at burðaravlopið er støðugt negativt, og tað er ringt í sjálvum sær. Men fráflytingin vigar eisini tungt, og har eru tað helst marknaðarkreftirnar, sum virka ímóti Suðuroynni, sigur Hans Kári Vang.

Hoyr innslag í útvarpstíðindunum: