Tingmaður hjá Framsókn tekur ikki undir við Suðuroyartunnlinum

Ruth Vang, landsstýriskvinna í fíggjarmálum og forkvinna í Framsókn, hevur fleiri ferðir sagt, at fyri at ein Suðuroyartunnil yvirhøvur skal koma upp á tal, so má pensjónsaldurin hækka. 

Tíðliga seinnapartin bleiv uppskotið at hækka pensjónsaldurin samtykt við aðru viðgerð. 

Løgtingið fór so undir at viðgera uppskotið hjá løgmanni, Akseli V. Johannesen, um fyrireiking, projektering og útboð av Suðuroyartunnlinum við tilhoyrandi tunnilskervum og vegakervum.

Men nú atkvøðugreiðslan nærkast, so vil Framsóknar tinglimurin, Karlot Hergeirsson, sum er partur av samgonguni, ikki atkvøða fyri. Tað vilja Liljan Weihe og Erling Eidesgaard úr Tjóðveldi heldur ikki. 

Karlot Hergeirsson, tingmaður hjá Framsókn, heldur ikki, at tað er illoyalt av honum, at hann ikki vil atkvøða fyri uppskotinum hjá løgmanni, tá løgmaður hevur syrgt fyri, at 

"Eg havi sagt á røttum stað, til røttu tíð, hvat eg fór at atkvøða, so tað kann ikki koma sum ein sjokk fyri samgonguna."