Skills Føroyar skal menna yrkisfakligar førleikar

Skills Føroyar eitur felagsskapurin, sum Føroya handverksmeistarafelag, Føroya handverkarafelag og Landsfelag handverkaranna hava stovnað. 

Endamálið við felagsskapinum er at skapa ein sterkan pall, fyri at menna yrkisfakligar førleikar.

Høvuðsendamálið hjá Skills Føroyum er at skipa fyri FM-kappingum fyri lærlingar og ung fakfólk í handverksgreinunum.

Umframt FM-kappingar er eitt langtíðarmál at knýta føroyskar lærlingar at altjóða kappingarumhvørvinum, har bestu ungu handverkarar í heiminum kappast og læra hvør av øðrum, siga stovnararnir.

Eisini er endamálið at eggja fleiri ungum at velja yrkisútbúgving.