Veljarakanning: Andstøðan vinnur løgtingsvalið

Andstøðan á løgtingi vinnur løgtingsvalið.

Tað vísir nýggj veljarakanning, sum spyr.fo gjørdi fyri Kringvarp Føroya og Portalin/FM1 í gjár, 12. mars.

Andstøðuflokkarnir fáa tilsamans 19 tingsessir, og samgonguflokkarnir fáa 14.

Tveir flokkar, Fólkaflokkurin og Sambandsflokkurin, kunnu skipa landsstýri einsamallir. Teir fáa tilsamans 17 tinglimir.

Veljarakanning løgtingsvalið 2026

Fólkaflokkurin minni undirtøku

Samanborið við aðrar veljarakanningar seinastu tíðina, minkar undirtøkan hjá Fólkaflokkinum nakað, og Javnaðarflokkurin gongur eitt vet fram. Fólkaflokkurin hevur í seinastu kanningunum fingið 12 og 13 tingsessir. 

Hinvegin varðveita Tjóðveldi og Sambandsflokkurin støðuna.

29 prosent av teimum spurdu siga seg fara at velja Fólkaflokkin, sum fær 10 tingsessir. Tað eru fýra fleiri enn á valinum í 2022.

19,8 prosent fara at setta kross við Sambandsflokkin. Tað er nóg mikið til sjey tingsessir, sum er tað sama sum nú.

Javnaðarflokkurin framgongd

Javnaðarflokkurin fær 18,8 prosent og seks tinglimir. Á seinasta vali fekk hann níggju. Í øðrum kanningum hevur Javnaðarflokkurin fingið fýra og fimm tingsessir.

Sjálvstýrisflokkurin fær 2,9 prosent av atkvøðunum, men tað er ikki nóg mikið røkka upp um tinggáttina

Tjóðveldi varðveitir støðuna, og fær seks tingfólk. 17,8 prosent av teimum spurdu siga, at tey fara at velja Tjóðveldi.

Minsti samgonguflokkurin, Framsókn, missir ein sess, og fær tveir. 6,9 prosent av teimum spurdu siga, at tey fara at velja Framsókn.

Hóast Miðflokkurin gongur aftur í prosentum, minus 1,7 prosent, varðveitir hann báðar sínar tingsessir. Miðflokkurin fær 4,8 prosent í kanningini.

700 fólk vóru spurd, og óvissan í kanningini er 2,9 prosent.