Atlantsflog: Støðan í Hormuzsundinum kann fáa ávirkan á flogseðlaprísirnar

"Vit eru í leypandi samskifti við okkara veitarar, og sum støðan er beint nú, so hava vit fingið at vitað, at tað er nokk av brennievni í løtuni, í hvussu er," sigur Jóhanna á Bergi, stjóri í Atlantsflogi.

Støðan í Hormuzsundinum kann fáa stórar fylgjur fyri flogferðsluna í summar. Tí umleið helvtin av brennievninum til flogfør, sum Evropa flytir inn, er úr Miðeystri, haðani einki kemur nú.

Ávarað verður nú um, at tað kann fara at sansa at innan tríggjar vikur, at fáa flogbrennievni, um ikki Hormuz sundið letur upp aftur.

Jóhanna á Bergi

Ávaringin kemur frá ACI Europe, sum umboðar flogvallir í ES, skrivaði Financisl Times í vikuni.

Longu 1. apríl eru fleiri enn túsund avlýsingar hjá SAS, skrivar miðilin Check-in. 

Jóhanna á Bergi, stjóri í Atlantsflogi, sigur, at tað kann fara at síggjast aftur í flogferðaseðlaprísunum, um støðan ikki broytist.