Professari: Danin var ikki sjúkur av lívshættisligum hantavirusi

- Danin, sum varð lagdur inn á sjúkrahús í Føroyum, var ikki sjúkur av lívshættisliga hantavirusinum, sum vit hoyra um í altjóða miðlum, men av einari nógv mildari útgávu av hantavirusi, puumala, ið ikki smittar millum fólk. 

Tað sigur Shahin Gaini, professari í smittusjúkum á Fróðskaparsetri Føroya.

Maðurin var longu illa fyri, áðrenn hann fór umborð á Norrønu, og heilsustøðan versnaði á ferðini til Føroya. Hann varð tí innlagdur á Landssjúkrahúsið. 

Nakrar dagar seinni varð hann sendur til nýradeildina á sjúkrahúsi í Odense, har hann býr, soleiðis at hann, um neyðugt, kundi fáa hjálp við dialysu.

- Vit vistu ikki tá, at hann hevði fjakkað og sovið í skjóli á Fjóni, sigur Shahin Gaini.

Hoyr innslag í útvarpstíðindunum: 

Sí eisini: Sjúkur av hantavirusi umborð á Norrønu