Nýtt farmaskip hjá Smyril Line seinkað nakrar mánaðir

Royndartúrurin hjá nýggja farmaskipinum Akranesi, sum Smyril Line letur byggja á CIMC Raffles skipasmiðjuni í Kina, gekk ikki sum ætlað.

- Skipið skuldi eftir ætlan latast Smyril Line fyri tíð, men umvælingararbeiðið fer at taka nakrar mánaðir, sigur Jens Meinhard Rasmussen, forstjóri í Smyril Line. 

Jens Meinhard Rasmussen

Hitt skipið, sum Smyril Line letur byggja í Kina, er í gerð enn. Tað fer at eita Skipanes.

Hoyr samrøðu við Jens Meinhard Rasmussen í útvarpstíðindunum: 

Akranes er 190 metrar langt og 27 metrar breitt.

Eingin ætlan er at selja burtur av flotanum hjá Smyril Line, tá ið Akranes og Skipanes koma, sigur Jens Meinhard Rasmussen.