Kommunur í Norðoyggjum og Eysturoynni samstarva um integratión

Sjey kommunur í Norðoyggjum og Eysturoynni hava gjørt samstarvsavtalu um integratión.

Sambært lóg um integratión skulu allar kommunur hava sett ein integratiónssamskipara í seinasta lagi 1. juli.

Sóley Sjúrðaberg

1. mai byrjaði Sóley Sjúrðaberg í starvinum sum integratiónssamskipari hjá teimum sjey kommununum, sum hava 10.500 fólk.

Integratiónssamskiparin skal vegleiða, hjálpa og vísa á møguleikar og tænastur í kommununum.

Saman við politisku skipanini skal samskiparin tryggja, at fólk trívast og eru virkin partur í samfelagnum. 

Tær sjey kommunurnar eru Klaksvíkar kommuna, Eysturkommuna, Fuglafjarðar kommuna, Kunoyar kommuna, Hvannasunds kommuna, Viðareiðis kommuna og Fugloyar kommuna.