Álopið við Sandá: Landsrætturin staðfesti dómin í Føroya rætti

Eitt samt nevningating og løgfrøðiligu dómararnir í Eystara landsrætti hava staðfest dómin í Føroya rætti í málinum móti einum 36 ára gomlum póllendingi um álop og neyðtøku á gøtuni við Sandá 28. apríl 2024.

Maðurin er dømdur í trygdarvarðhald - forvaring - og hann er vístur av landinum med alla. Maðurin skal sita í trygdarvarðhaldi í Danmark.

Hann er eisini dømdur at rinda kvinnuni endurgjald fyri tort og mista arbeiðsinntøku upp á góðar 200.000 kr. Haraftrat skal maðurin rinda sakarmálskostnaðin.

Tað tók nevningunum og løgfrøðiligu dómarunum 20 minuttir at staðfesta hørðu revsingina, sum Føroya rættur hevði dømt. 

Hoyr samrøðu við ákæran, Saruh Ann Bjarnadóttir Vinther, í útvarpstíðindunum. Hon er nøgd við dómin: