ST-aðalskrivarin: Vit klára ikki at fylgja við vitlíki

Vitlíki mennist so mikið skjótt, at fólk megna ikki at fylgja við, sigur ST-aðalskrivarin, Antonio Guterres. 

Hann kallar vitlíki eina vísindaliga roynd uttan ætlan ella samtykki, og vil hava felagsreglur um vitlíki. 

ST hevur sett 40 altjóða vísindafólk at arbeiða við vitlíki. Tey komu fyri nøkrum døgum síðani við eini innleiðandi frágreiðing, sum ST aðalskrivarin legði fram á tíðindafundi í New York.

Antonio Guterres sigur, at vísindafólkini ávara um skaðan, sum kann standast av vitlíki. Tess størri framgongd er innan vitlíki uttan greiðar felagsreglur, tess minni ávirkan fara stjórnir og fólk at hava á avleiðingarnar av vitlíki.

Her heima hava vit seinastu dagarnir hoyrt um avleiðingar av vitlíki í miðnámsskúlunum.

Maria Chun Nielsdóttir, Yrkisfelagið Miðnám

Maria Chun Nielsdóttir, forkvinna í Yrkisfelagnum Miðnám, segði í útvarpstíðindunum leygardagin, at hon heldur viðlíki verða eina beinleiðis hóttan móti demokratinum. 

Hoyr innslag í útvarpstíðindunum: