Vil hava vissu frá NATO-londunum um at brúka meira til verju

Aðalskrivarin í NATO, Mark Rutte, sigur, at seg vænta, at limalondini fara at leggja fram greiðar, ítøkiligar og álítandi ætlanir fyri, hvussu tey fara at røkka málinum, um at brúka fimm prosent av síni bruttotjóðarúrtøku til verju.

Á tíðindafundi í Ankara í gjár undan NATO-toppfundinum, sum er í dag, legði Mark Rutte dent á, at útreiðslurnar hjá limalondunum til verju vaksa.

- Sameind í Evropa og Kanada brúka longu umleið fýra prosent av síni bruttotjóðarúrtøku til verju og trygd, segði Rutte.

Fimm prosent í 2035

Á toppfundinum í fjør samdust NATO-londini um at hækka samlaðu verjuútreiðslurnar upp í fimm prosent av BTÚ í 2035. Av hesum fara 3,5 prosent til kjarnorkuverju, og 1,5 prosent av BTÚ'inum verða markað til trygdarviðkomandi endamál.

- NATO-londini í Evropa og Kanada brúktu nærum 20 prosent meira til verju í fjør enn árið fyri. Tilsamans fyri 2025 og 2026 eru hetta 258 milliardir dollarar í eykaíløgum, sigur Rutte. Hann legði afturat, at gongdin fer at halda fram.

Hann nevndi eisini Ukraina og legði dent á, at landið framvegis hevur tørv á stuðli, serliga til loftverju.