Sleppur loksins undir skurð fyri sjáldsamt ryggbrek

Fimtan ára gamla Elisabet Joensen hevur eitt sjáldsamt brek í rygginum, sum eitur Bertolotti syndrom.

Eftir fýra ár við áhaldandi pínu í rygginum, sleppur hon loksins undir skurð uttanlands.

- Tað er løgið at føla, at eg kanska fari at liva uttan pínu, sigur Elisabet Joensen.

Undir skurð í USA

Pínan byrjaði, tá ið hon var ellivu ára gomul, og tíðliga í ár fekk hon staðfest Bertolotti syndrom.

Brekið hevur við sær, at hon hevur áhaldandi pínu í rygginum, sum ger tað torført hjá henni at fylgja við í skúlanum, umframt at íðka ítrótt.

Talan er um sjáldsama sjúku, men serfrøðingar í USA við innliti í brekið, hava bjóðað henni skurðviðgerð, meðan skurðviðgerð av hesum slagi ikki er ein møguleiki í Føroyum.

Sambært serfrøðingunum, kann skurðviðgerðin linna áhaldandi pínuna í rygginum.

Skurðviðgerðin kostar okkurt um hálva millión, men við innsavnan, sum familjan og hjálparfelagsskapurin Næstin hava staðið fyri, sleppur hon loksins undir skurð.

Sí innslag í Degi og viku.