Eivør um Dolly: "Hon hevur verið har sum ein fyrimynd alt mítt lív"

Hvat hugsaði tú, tá tú frætti, at Dolly Parton var deyð?

»Tað kom sum ein hvøkkur. Tað er altíð undarligt, tá slíkar stórar persónligheitir og hetjur fara. Eg hugsaði um alt tað vakra, hon hevur lagt eftir seg.« 

 

LES EISINI: Dolly Parton er deyð: "Ein av stóru country-sangskrivarunum farin"

 

Hvønn týdning hevur Dolly Parton havt fyri teg á tínari tónlistaleið? 

»Hon hevur verið har sum ein fyrimynd alt mítt lív. Tá eg var smágenta, lurtaði eg nógv eftir Dolly, og eisini í mínum vaksna lívi havi eg beundrað hana fyri so mangt. Hennara sangskattir, hennara óvanliga vøkru og vinaligu sangrødd, sum fer beint inn í hjarta og sál, og eisini hennara humor og ótrúligu evnir at savna menniskju. Hon hevur bygt brýr ímillum ættarliðini. Eg minnist, at eg græt fyrstu ferð, eg hoyrdi "Coat of many colours", og "Jolene" er eftir mínum tykki ein av vakrastu kærleikssangum nakrantíð.«

Eivør fer at minnast Dolly Parton sum eina av bjartastu stjørnum heimsins (mynd: Bjarni Árting Rubeksen)

 

»Eg minnist, at eg græt fyrstu ferð, eg hoyrdi "Coat of many colours", og "Jolene" er eftir mínum tykki ein av vakrastu kærleikssangum nakrantíð.«

Eivør

 

Hvat fer tú at minnast Dolly Parton fyri?

»Eg fari at minnast hana sum eina av bjartastu stjørnum heimsins. Ein, ið tordi ganga sín egna veg og visti, hvat hon dugdi væl, og gjørdi tað við hjarta, sál og kærleika. Og ikki minst fari eg at minnast hana fyri allar sangperlurnar, hon gav okkum.«

Dolly Parton í fagrasta blóma (mynd: Ritzau / Scanpix)