Einki bendir á ítøkiliga hóttan móti Føroyum

Russiskt virksemi í NATO- og ES-londum er vorðið álvarsamari.

Danmark og Týskland hava seinastu dagarnar ákært Russland fyri álop og ætlanir um sabotasju.

Í Danmark hevur PET avdúkað ítøkiligar russiskar ætlanir um sabotasju móti fyritøkum innan verjuídnaðin. Samstundis hava týskir myndugleikar sett Russland í samband við eina miseydnaða dronuatsókn í Týsklandi.

Hóast gongdina í Evropa er eingin orsøk til at halda, at hóttanin móti Føroyum er vaksin. Føroyskir myndugleikar og løgreglan fylgja tó støðuni tætt, sigur Michael Boolsen, fúti.

Tór Marni Weihe, serkønur í russiskum viðurskiftum, metir somuleiðis, at hóttanin móti Føroyum ikki er vorðin størri, men at hendingarnar seinastu tíðina vísa, at stríðið millum Russland og NATO er harðnað.