Upplesarar fáa eisini bókasavnsgjald

Upplesarar hava nú eisini rætt til bókasavnsgjald, skrivar Landsbókasavnið.

Freistin at søkja um bókasavnsgjald er 1. oktober.

Verk, sum komu í fjør, vera tikin við í ár.

Mentamálaráðið hevur gjørt nýggjar reglur um, hvussu bókasavnsgjaldið skal býtast.

Bókasavnsgjald er samsýning, sum landið letur føroyskum høvundum fyri at hava bøkur, ljóðbøkur, e-bøkur og listaverk tøk á føroysku bókasøvnunum. 

Høvundar eru rithøvundar, tónaskald, týðarar, upplesarar, myndlistafólk og fotografar.