Burnham: Russland legði seg út í Brexit-valið

Andy Burnham, forsætisráðharri, sigur, at Bretland er sannført um, at Russland legði seg út í Brexit-valið.

Tað sigur hann í viðmerking í podcastinum "The Rest is Politis" (Restin er politikkur) í einum parti, sum kemur út í dag.

Burnham sigur, at tá hann flutti í Downing Street 10 fyri nøkrum mánaðum síðani, spurdi hann, um Moskva hevði lagt seg út í fólkaatkvøðuna í 2016 um at fara úr ES, og fekk "tað greiða svarið, at ja, tað gjørdu tey."

Forsætisráðharrin heldur, at tað er umráðandi at gera hetta "týðiliga greitt" fyri at hjálpa veljarunum í Týsklandi og Fraklandi at skilja, at "okkurt í hesum politikkinum hevur okkara fíggindi sett í gongd," miðskeiðis í framgongdini hjá  høgravíðgongdum flokkum í teimum londunum.

Hugsaðu ikki nóg væl um ávirkanina

Fregnartænastu- og trygdarnevndin í bretska parlamentinum staðfesti í 2020, at stjórnin ikki nóg gjølla hevði hugsað um ávirkanina, sum russiskir statsmiðlar og sonevndar trøllaverksmiðjur kundu hava havt á ES-fólkaatkvøðuna.

Í røðu á ST-aðalfundin í farna mánaði segði Burnham eisini, at prógv eru fyri, at Moskva royndi at leggja seg út í bretska parlamentsvalið í 2019.

Burnham sigur í podcastinum, at hann viðgjørdi hóttanina frá høgravenda Alternativ fyri Týskland (AfD) við týska kanslaran, Friedrich Merz, tá teir hittust í Berlin í vikuni.

Sambært bretska forsætisráðharranum fekk hann tá at vita, at greitt samband er millum AfD og Russland.