- Tíðindi, mentan og ítróttur
Iran og USA samd: Trupult at semjast um kjarnorku
![](https://kvf.fo/sites/default/files/styles/grein-ovasta-mynd/public/ali.jpg?itok=UwF4DeiF)
Hóast londini bæði eru ósamd um komandi kjarnorkuætlanirnar hjá Iran, eru Iran og USA kortini samd um, at tað verður trupult at koma til eina semju londini millum.
Ayatollah Ali Khomeini, andaligi leiðarin í Iran, gjørdi mánadagin greitt, at hann ikki hevur serligar vónir undan samráðingunum millum Iran og tey seks heimsveldini.
- Eg endurtaki, at eg ikki eri bjartskygdur undan samráðingunum, sum ikki koma at føra til nakað. Men eg eri ikki mótstøðumaður mótvegis ætlanunum, sigur hann.
Fyribils avtala undirskrivað í november
Í november mánað 2013 varð ein fyribils avtala undirskrivað, ið áleggur Iran at minka sítt kjarnorkuvirksemi komandi hálva árið. Afturfyri slaka londini fyri vestan krøvini mótvegis Iran.
Síðani fyribils avtalan varð undirskrivað í november í fjør, hava londini fyri vestan vónað, at ein langtíðarsemja um kjarnorkuætlanirnar hjá Iran kann fáast í lag, skrivar Ritzau.
Ta ferðina gingu bert fáir tímar áðrenn ein høgur, amerikanskur embætismaður royndi at minka um týdningin á fyribils kjarnorkuavtaluni við Iran.