Henda myndin fekk í nátt Twitter at hokna

<p>Ongantíð áður hevur ein mynd á Twitter drigið so nógva ferðslu, sum myndin, ið Ellen DeGeneres legði á sosiala miðilin Twitter í nátt frá Oscar-handanini.</p>

<p>Ellen DeGeneres, vertur á Oscar 2014, rópti nakrar av teimum mest kendu sjónleikarunum í heiminum saman, og tók eina mynd og legði myndina á Twitter.</p>

<p>Hetta var eisini meira&nbsp;enn tøknin handan Twitter megnaði at handfara. Twitter lá stilt eina løtu, tí fólk í túsundatali deildu myndina hjá EllenDeGeneres um aftur.</p>

<p><strong>Deild 1.000.000 ferðirnar uppá minni enn ein tíma</strong></p>

<p>Eftir bert trimum&nbsp;minuttum varð myndin blivin "deild" 80.000 ferðirnar, og umleið trý korter seinni varð myndin blivin "deild" eina millión ferðirnar, <a href="http://www.independent.co.uk/news/people/news/ellen-degeneres-takes-osca... target="_blank">skrivar The Independent</a>.</p>

<p>Á myndini síggjast nakrir av heimsins mest kendu sjónleikarum, teirra millum Julia Roberts, Meryl Streep og Kevin Spacey, ið um dagarnar er kendur fyri røðina House of Cards.</p>

<p>Sí twittið, sum EllenDegeneres legði á Twitter í nátt, á slóðini her: <a href="https://twitter.com/TheEllenShow" target="_blank">Ellen DeGeneres Show @TheEllenShow</a> (letur upp í nýggjum kaga)</p>