30.000 russiskir á Krim

Seinastu vikurnar hava nógvar gitingar verið um, hvussu nógvir russiskir hermenn munnu vera á umstríddu hálvoynni.

Nýggja talið 30.000 er meira enn tvífalt so nógv, sum stjórnin í Ukraina higartil hevur boðað frá.

Tjóðartingið á Krim samtykti í gjár at loysa frá Ukraina og innlima seg í Rusland í staðin.

Tjóðartingið hevur avgjørt, at leggja málið út til fólkaatkvøðu um 10 dagar.

Bæði ES og USA hava fordømt russisku innrásina í Ukraina.

ES avgjørdi á toppfundi í gjár at heita á Rusland um alt fyri eitt at taka hermegi sína út úr Ukraina og lova altjóða eygleiðarum inn.