Flogfar horvið: Eingi tekin um lív

<p>Malaysia Airlines hevur mist samband við eitt av sínum ferðafólkaflogførum, ið fór úr Kuala Lumpur til Beijing seinnapartin í gjár, føroyska tíð.</p>

<p>Flogfarið fór úr malaysiska høvuðsstaðnum klokkan 16:41 í gjár og skuldi eftir ætlanini lenda í kinesiska høvuðsstaðnum klokkan 22:30 í gjárkvøldið.</p>

<p>Flogfarið er horvið sum døgg fyri sólini. Malaysia Airlines hevur ikki havt samband við flogfarið, síðan tað brádliga hvarv á túrinum seinnapartin fríggjadagin.</p>

<p><strong>Ymiskar frágreiðingar um flogfarið</strong></p>

<p>Ymiskar frágreiðingar hava verið frammi um, hvat kann vera hent við flogfarinum hjá Malaysia Airlines við teimum 239 ferðafólkunum, síðan tað hvarv.</p>

<p>Ein talsmaður fyri sjóverjuna í Vietnam sigur, at sjónarváttar hava sæð flogfarið fara í havið í útsynningspartinum í Vietnam, við Tho Chu-oynna.</p>

<p>Myndugleikarnir í Malaysia siga, at tað ikki kann útihýsast, at flogfarið kanska hevur verið fyri yvirgangi. Eingi prógv eru tó komin fram um hetta enn.</p>