- Tíðindi, mentan og ítróttur
42 flóttafólk druknað
![](https://kvf.fo/sites/default/files/styles/grein-ovasta-mynd/public/jemen-google-earth.jpg?itok=jg4NnnA4)
<p>Sjóverjan í Jemen hevur bjargað í minsta lagi 30 flóttafólkum, ið vóru umborð á bátinum í Arabiska Havinum. Tey eru nú send á flóttalegu, upplýsa myndugleikarnir.</p>
<p>Túsundtals flóttafólk úr Afrika royna á hvørjum ári at sleppa inn í Jemen fyri at sleppa burturúr fátækradøminum í heimlandinum. Úr Jemen ferðast tey víðari, har tey leita eftir størvum.</p>
<p>Flóttafólk úr Afrika royna eisini javnan at koma sær inn í Evropa umvegis Miðjarahavið. Serliga italska oyggin Lampedusa er væl umtókt hjá flóttafólkunum, skrivar tíðindastovan AFP.</p>
<p><strong>Tvær bátsvanlukkur í oktober</strong></p>
<p>Jemen er fyrsta steðgistað hjá flóttafólkum úr Afrika, ið ætla at leita sær friðskjól í Evropa. Tí stríðast myndugleikarnir í Jemen javnt og samt við flóttafólk, ið royna at koma sær inn í landið.</p>
<p>Í oktober 2013 lótu 550 flóttafólk lív í tveimum bátsvanlukkum, tá bátarnir, tey vóru í, koppaðu í farvatninum millum Libya og Lampedusa í Italia.</p>
<p>Italia hevur í fleiri umførum biðið um hjálp frá EU, fyri at basa vaksandi trupulleikanum við flóttafólkum, ið royna at koma sær inn í landið. Higartil uttan stórvegis eydnu.</p>