Hervør Pálsdóttir farin aftur í barnsburðarfarloyvi

Tingkvinnan fyri Tjóðveldi, Hervør Pálsdóttir, er farin aftur í barnsburðarfarloyvi.

Erling Eidesgaard er komin í løgtingið fyri hana.

Hervør Pálsdóttir fór av fyrstan tíð í barnsburðarfarloyvi síðst í august, men valdi at taka sæti aftur á tingi meðan lógin um fría fosturtøku var til viðgerðar.

Uppskotið um fría fosturtøku var samtykt í síðstu viku og nú hevur tingkvinnan valt at fara aftur í farloyvi.

Einki er sagt um, hvussu leingi Hervør Pálsdóttir verður í farloyvi.