- Tíðindi, mentan og ítróttur
ES gevst at keypa gass úr Russlandi í 2027
ES gevst at keypa gass úr Russlandi í 2027
Í fjør keyptu ES-lond russiskt gass fyri slakar 120 milliardir krónur
Ursula von der Leyen, forkvinna í ES-nevndini, á tíðindafundi fyrrapartin.
Mynd: Nicolas Tucat/AFP/Ritzau Scanpix
03.12.2025 - 13:29
Evropasamveldið gevst endaliga at keypa russiskt gass í 2027.
Tað eru ES-londini og ES-tingið vorðin samd um, og forkvinnan í ES-nevndini, Ursula von Der Leyen, legði avtaluna fram á tíðindafundi fyrrapartin.
- Hetta er eitt nýtt tíðarskeið, har vit siga endaliga farvæl við russiskt gass, segði hon.
Dan Jørgensen. (Mynd: Nicolas Tucat/AFP/Ritzau Scanpix)
Danski ES-nevndarlimurin, Dan Jørgensen, var eisini á tíðindafundinum, og hann frøist um avtaluna:
03122025_Dan_Jorgensen
Talan er ikki um smápengar, tí í oktober komu 12 prosent av øllum gassi til ES úr Russlandi.
Í fjør keyptu ES-londini russiskt gass fyri slakar 120 milliardir krónur.
Næsta stig verður at banna innflutninginum av russiskari olju, sigur Dan Jørgensen.
ES-nevndin fer at leggja fram uppskot um tað við ársbyrjan næsta ár.
Er kopiera
Nýggjastu sendingar í ÚV
