- Tíðindi, mentan og ítróttur
Føroyar vunnu
![](https://kvf.fo/sites/default/files/styles/grein-ovasta-mynd/public/gull.jpg?itok=7P1rhXEk)
Tað sá einki út í morgun. Føroyskan legan hekk eitt sindur við høvdunum, tí aftur gjørdi hervilig búkilska um seg í hópinum.
Afturat tí vóru tey flestu sum luttóku í kappingini samd um, at Georgia fór at vinna finaluna á Føroyum.
Men tað sást frá byrjan, at føroysku leikararnir vóru komnir á vøllin við einum endamáli, og tað var at vinna dystin.
Verja og málverji stóðu væl, og í álopspartinum hava flestu leikararnir neyvan fyrr verið neyvari við sínum skotum.
Føroyar vóru á odda 17-12 í hálvleikinum, og hóast Georgia kom við øllum teir høvdu í seinna hálvleiki, bleiv føroyska liðið við at spæla sítt spæl.
Endin var eisini, at Føroyar vunnu sannførandi 34 - 25 sigur á Georgia.
Besta avrikið hjá einum føroyskum landsliðið
Føroysku venjararnir Kári Nielsen og Birgir Hansen høvdu bara góð orð um sínar leikarar aftan á dystin. - Hetta er besta avrik sum vit hava sæð frá einum føroyskum landsliðið í okkara tíð, vóru teir báðir samdir um.
Føroyar - Georgia 34 - 25 (17-12)
Áki Egilsnes, 9
Rói Berg Hansen, 6
Kjartan Johansen, 6
Hilmar L. Jakobsen, 4
Jónas G. Djurhuus, 4
Allan Norðberg, 2
Helgi Hoydal, 2
Pætur Thomsen, 1
Hava spælt seg víðari til IHF endaspælið
Við gullinum í hesi evropeisku IHF Trophy kappingini hava Føroyar spælt seg í størri kapping, har lond úr øllum heiminum kappast.
Innleiðandi umførini í kappingini eru í Evropa, Pan Amerika, Asia, Afrika og Osiania.
Føroyar og vinnararnir úr hinum heimspørtunum skulu seinni møtast í kapping sína millum. Enn er ógreitt nær tað verður.
Føroysku úrslitini í IHF Trophy kappingini í Andorra:
Føroyar - Aserbadjan 43-12 (17-5)
Føroyar - Írland 40-13 (18-8)
Føroyar - Andorra 42-30 (17-16)
Føroyar - Moldova 25-24 (15-12)
Føroyar - Gerogia 34-25 (17-15)