- Tíðindi, mentan og ítróttur
U21 í bólk saman við Serbia og Grikkalandi
U21 í bólk saman við Serbia og Grikkalandi
U21 hondbóltslandsliðið hjá monnum er komið í sterkan bólk til komandi HM-undankapping
![](https://kvf.fo/sites/default/files/styles/grein-ovasta-mynd/public/u21_lidid.jpg?itok=9EM2Kwic)
U21 landsliðið kann vænta sær harða mótsstøðu frá Serbia og Grikkalandi
Mynd: hsf.fo
20.09.2014 - 16:08
Sterku hondbóltstjóðirnar Serbia og Grikkaland verða mótsstøðuliðini, tá føroyska U21 hondbóltslandsliðið hjá monnum skal royna seg í HM undankappingini til endaspælið, sum verður leikt 9-11 januar komandi ár.
Serbia er millum tær sterkaru hondbóltstjóðirnar, og árgangurin, sum Føroyar skal møta, endaði fyrr í ár nummar átta í EM-endaspælinum. Grikkaland kom ikki í endaspælið, men endaði nummar tvey í undankappingini frammanfyri Ísland og Italia.
Føroysku fyrireikingarnar til undankappingina, sum verður hildin í Grikkalandi, eru longu farnar í gongd, og í dag eru 25 spælarar møttir til fund og venjing.
Nýggjastu sendingar í ÚV
Nýggjastu sendingar í SV