- Tíðindi, mentan og ítróttur
Forsetavalevni gjørt semju um stjórn
![](https://kvf.fo/sites/default/files/styles/grein-ovasta-mynd/public/ghani-abdullah-ap.jpg?itok=G78yjC_K)
<p>- Óhefta valnevndin kunnger, at Ashraf Ghani verður nýggjur forseti í Afghanistan, og valstríðið við hesum er komið at enda. Tað segði ein talsmaður fyri valnevndina, tá avtalan varð undirskrivað og send beinleiðis í afghanskum sjónvarpi fyrr í dag.</p>
<p>Undirskriftirnar vórðu festar á blað, í kjalarvørrinum á klandrinum, ið tók seg upp aftaná forsetavalið í Afghanistan í summar. Avtalan tryggjar, at Ashraf Ghani verður nýggjur forseti í Afghanistan í eini nýggjari savningarstjórn hjá landinum.</p>
<p><strong>SÍ EISINI <a href="http://kvf.fo/greinar/2014/04/06/hottu-vid-atsoknum-helvtin-av-folkinum-...óttu við atsóknum: Helvtin av fólkinum á vali</a></strong></p>
<p>Abdullah verður umsitingarligur stjóri, ið gevur honum somu heimildir sum ein forsætisráðharri vanliga hevur, skriva útlendskir miðlar. Hamid Karzai, fráfarandi forseti í Afghanistan, fegnar avtaluni. Karzai vónar, at avtalan fer at tryggja framburð og menning fyri Afghanistan.</p>
<p>Forsetavalið í Afghanistan varð hildið í tveimum umførum. Tað fyrra valið var í apríl og tað seinna í juni. Endaliga fínteljingin av valinum í Afghanistan verður ætlandi eisini løgd fram í Kabul seinni í dag.</p>