Fær ikki endurgjald fyri sjúkraviðgerð í Týsklandi

Fólk eiga at spyrja heilsumyndugleikarnar í Føroyum fyrst, áðrenn tey fara uttanlands á sjúkrahús, um tey vilja hava møguleikan at fáa viðgerðina endurgoldna.

Kærunevndin í almanna- og heilsumálum hevur staðfest avgerðina hjá Visitasjónevndini at sýta einum sjúklingi endurgjald fyri útreiðslur í sambandi við viðgerð fyri krabbamein á sjúkrahúsi í Týsklandi.

Orsøkin er, at sjúklingurin ikki hevði ávísing frá Visitasjónsnevndini, tá hann fór til Týsklands í fjør. Hann fór av sínum eintingum á týska sjúkrahúsið. 

Sjúklingurin vildi hava viðgerðina á týska sjúkrahúsinum, sum kostaði 275.000 kr., endurgoldna frá føroyska heilsuverkinum. 

Men Kærunevndin í almanna- og heilsumálum sigur, at sjúklingurin hevur ikki rætt til endurgjald, tí hann fór til Týsklands uttan ávísing frá heilsuverkinum í Føroyum.