Maður handtikin eftir at hava skotið millum hús

Tað váttar Andras Marr Poulsen, varapolitiinspektørur. 

Maðurin, sum er um 50 ára aldur, var komin á vitjan, og hevði fingið upp í høvdið.

Brádliga tók hann fram eina høglbyrsu og fór at skjóta út gjøgnum vindeyga. 

Maðurin, sum býr í húsinum, tók til rýmingar. Løgreglan varð boðsend um 20-tíðina í kvøld.

Húsini vórðu kringsett, og rópt varð á mannin um at geva seg upp í hendurnar á løgregluni.

Klokkan 22.06 yvirgav maðurin seg og varð handtikin. 

Eingin fólkaskaði stóðst av hendingini.