Tær sum fingu krabba lótu seg ikki kanna regluliga

Grein um screening fyri lívmóðurhálskrabba í Føroyum Turið Hammer hevur saman við øðrum skrivað grein um lívmóðurhálskrabba í Føroym, skrivar gransking.fo

Greinin er júst útgivin í tíðarritinum Acta Oncologica og kallast Cervical cancer screening in the Faroe Islands. Í Føroyum hevur ein skipað screening fyri lívmóðurhálskrabba verið síðani 1995.

Kvinnur millum 25 og 60 ár verða bodnar til ókeypis kanningar triðjahvørt ár. Tað finnast fleiri yvirlit yvir lívmóðurhálskrabba screeningar í Europa, men higartil hava hesi ikki fevnt um Føroyar.

Hetta er fyrstu ferð, at screening fyri límóðurhálskrabba í Føroyum verður lýst vísindaliga. Í greinini verður m.a. lýst, at millum 67 og 81% av kvinnum í Føroyum hava latið seg kannað í hesum tíðarskeiðnum. Nakrir krabbatilburðir eru funnir, men fleiri av teimum, sum hava fingið staðfest lívmóðurhalskrabba hava ikki luttikið í screeningini