Eldur ásettur á svenska mosku

Í Svøríki hevur jóladagurin verið alt annað enn friðarligur í býnum Eskisuna. Har kom eldur í eina moské seinnapartin.

50 fólk vóru í bønarhúsinum, tá eldurin kyknaði. Løgreglan heldur, at eldurin varð ásettur. Vitni siga seg hava sæð ein mann við einari bensinfløsku í grannalagnum, stutt fyri, at eldurin kyknaði.

Svenska Aftonbladet skrivar, at fimm fólk fingu skaða. Tað vóru fólk, sum vóru inni í bønarhúsinum og hoppaðu út, upplýsir løgreglan í Stokkhólmi.

Svenska sløkkiliðið hevur nú tamarhald á eldinum. Í morgin fer løgreglan at kanna málið nærri.