Væl meira makrelur kundi verið fiskaður

<p>Í 2014 vórðu fiskað vórðu stívliga ein millión tons av makreli. Men stovnurnin hevði klárað fimm milliónir tons. Tað endurtekur norski fiskifrøðingurin, Jens Christian Holst, í samrøðu við blaðið hjá íslendskum bátaeigarum.</p>

<p>Jens Christian Holst sigur, at makrelstovnurin er stórliga undirmettur, og tann nógvi makrelurin hóttir annað lív í Norðuratlantshavinum. Jens Christian Holst arbeiddi í nógv ár hjá norsku fiskirannsóknarstovuni, men arbeiðir nú sum sjálvstøðugur fiskifrøðingur.</p>

<p>Hann vakti ans í 2013, tá hann segði, at makrelstovnurin er nógvar ferðir størri enn millum annað ICES vil vera við. Hann sigur, at vistfrøðin, millum annað onnur fiskasløg, tola ikki so nógvan uppsjóvarfisk. Serliga makrelstovnurin er alt ov stórur.</p>

<p>Jens Christian Holst mælir til at meta stovnarnar sum eina heild í staðin fyri hvønn stovnin sær. Hann finst at háttinum, sum nú verður brúktur, sum er at meta hvønn stovnin sær uttan fyrilit fyri umhvørvinum hjá fiskinum.</p>