Varðhaldsfongslaðir fýra vikur afturat

Býarrætturin í Keypmannahavn avgjørdi fyri løtu síðani, at tveir mans, ið vórðu tiknir fyri yvirgangsatsóknirnar, skulu verða sitandi í geglinum

Tveir mans, ið vórðu handtiknir 16. februar, eru nú varðhaldsfongslaðir í fýra vikur afturat, skuldsettir fyri at hava útvegað vápnini, ið vórðu brúkt í yvirgangsálopunum í Keypmannahavn

Bjarni Mohr

26.02.2015 - 12:21

Tveir mans, ið vórðu handtiknir í kjalarvørrinum á yvirgangsatsóknunum í Keypmannahavn, vórðu fyri løtu síðani varðhaldsfongslaðir í fýra vikur afturat, skrivar DR.

Menninir vórðu handtiknir 16. februar, skuldsettir fyri at hjálpt 22 ára gamla manninum, ið framdi álopini, við at útvega vápnini, tá tvey fólk vórðu myrd og fimm løgreglufólk vórðu særd.

Greinin heldur fram niðanfyri

New div after blockquote

Vi må ikke filme i retten.Men betjentene inde i retten er udstyret som deres kollegaer her ved indgangen #cphshooting pic.twitter.com/SnyvjJekeB
— Claus Buhr (@ClausBuhr) February 26, 2015

- Trygdin er óvanlig. Løgregla í hjálmum og við automatiskum riflum, segði útsendi tíðindamaðurin hjá DR, Claus Buhr, tá menninir vórðu varðhaldsfongslaðir í fýra vikur afturat.

Trettan tímar eftir at ein 22 ára gamal maður framdi tvær yvirgangsatsóknir í Keypmannahavn 14. februar, drap løgreglan mannin í skotbardaga, eftir at hava jagstrað mannin.