Vaktarhaldið við markið skal styrkjast

Tað sigur turkiski forsætisráðharrin Ahmet Davutoglu.

Bumban í Suruk í gjár brast uttan fyri ein mentanardepil har nógv ungfólk vóru savnaði, ið ætlaðu sær til sýriska marknabýin Kobane, at hjálpa til at byggja býin uppaftur aftaná bardagarnar har millum kurdar og islamska statin, ið gjørdu eina miseydnaða roynd at taka býin.

Higartil hevur Turkaland gjørt rættiliga lítið við islamska statin, men hevur latið kurdarnar um stríðið ímóti islamistunum. 

Turkaland er tó farið at gera meira fyri at steðga hóttanini úr Sýria og Irak, og hildið verður, at hetta kann hava fingið islamistarnar at fremja sjálvmorðsbumbuálopið í Suruk.