Støðan hjá Íslandi styrkt

Tað er eingin ivi um at íslendska støðan er styrkt, næstu ferð strandarlondini skulu samráðast um makrelin., er niðurstøðan hjá íslendska fiskimálaráðnum.

Fiskimálaráðið fegnast um, at makrelkanningarnar hjá Grønlandi, Íslandi, Føroyum og Noregi í summar siga, at 37 prosent av stovninum eru nú í íslendskum sjógvi.

So nógvur makrelur er ikki sæddur í íslendskum sjógvi fyrr. Stovnurin er 7,7 milliónir tons, og 2,9 milliónir eru í íslendskum sjógvi. Mesti makrelurin var sunnan fyri Ísland og longri suðuri enn higartil.

Ísland er ikki við í makrelavtaluni millum ES, Noreg og Føroyar. Nakað minni var at síggja í føroyskum sjógvi enn í fjør, tó var meira makrelur sæddur í útsynningspartinum av føroyska økinum.