Tekur tíð at kanna 80 kilo av »hvítum pulvuri«

Tvey fólk, ein maður og ein kvinna úr Niðurlondum, sum komu við Norrönu til Íslands, eru varðhaldsfongslað í 14 dagar.

Posarnir við hvita pulvrinum vóru ikki serliga væl krógvaðir í bilinum, sambært íslendska kringvarpinum. Tað var tí lætt hjá tollarunum at finna posarnar.

Fáa lítið at vita um málið

Fjølmiðlarnir í Íslandi fáa annars lítið at vita um málið, sum verður sagt at vera størsta rúsevnismál í Íslandi.

Sambært myndugleikunum í Íslandi gjørdi samstarv millum løgreglu og tollvaldið í Íslandi og tollvaldið í Føroyum, at fólkini vórðu tikin, tá tey komu til Íslands úr Hirtshals.

Niðurlendingarnar hava einki tilknýti til Íslands, sambært íslendska kringvarpinum. Fólkini hava ongantíð verið har fyrr.