Finnland herðir eftirlitið við markið

Longu nú er eftirlit sett í verk í Torneå, sum er innast í Botnisku Víkini, siga myndugleikarnir í býnum. Innanríkisráðið í Helsinki boðar frá, at frá týsdegnum verður eftirlitið hert.

Fría týsdegnum fer politiið at gera stakroyndir við kravi um samleikaprógv frá teimum, sum ferðast um markið. Og øll sum fara um markið í Torneå verða kannað av politinum, sigur innanríkisráðið.

Flóttafólk og gestaarbeiðarar sleppa ikki longur yvir um markið í Torneå uttan at laa seg skráseta sum ein, ið søkir um friðskjól. Yvir 11.000 flóttar og útlendingar hava søkt um friðskjól í Finlandi higartil í ár.

Flestu teirra eru úr Irak. Í fjør komu 3.600 flóttar og gestaarbeiðarar. Í dag savnaðust fleiri hundrað mótmælisfólk í Torneå, har tey kravdu, at markið verður stongt.