Zika kann elva til álvarsama sjúku

Tað er stórur vandi fyri, at londini, sum eru rakt av zika-umfarsóttini, fara at fáa fleiri tilburðir av neuroliskum Guillain barrés-sjúkueyðkenni, stytt GBS.

GBS er sjáldsom støða, her immunverjan leypur á partar av nervalagnum, og tað elvir til lammilsi. Men lammilsi hvørvur eftir eina tíð.

Granskarar á Pasteur-stovninum í Paris hava greinað dátu frá eini zika-umfarsótt í Franska Polynesia í 2013 og 2014.

SÍ EISINI - Takið Zika-virusið í álvara

Granskararnir í Fraklandi hava roknað seg fram til, at vandi fyri at fáa GBS er 2,4 fyri hvørjar 10.000 tilburðir av zika-smittuni.

- Arbeiðið hevur týdning, tí tað staðfestir leiklutin, sum zika-virusið hevur í elvingini av álvarsligum neurologiskum eftirsjúkum, sum GBS hevur, sigur Arnoud Fontanet, ið hevur staðið á odda fyri granskingararbeiðnum.

- Økini, har zika-umfarsóttin herjar, fara helst at vera fyri uppaftur fleiri sjúklingum við neurologiskum eftirsjúkum, sigur Arnoud Fontanet við NTB-tíðindastovuna.