Halda fram at bumba í Sýria

- Úrslit eru rokkin, og nú er ein veruligur møguleiki fyri at fáa enda á krígnum, sigur russiski varaverjumálaráðharrin, Nikolai Pankov, fyri tíðindastovuni Tass.

Hinvegin er ov tíðliga at siga, um vunnið er á yvirganginum, heldur Pankov. Russisk flogfør fara framvegis at fremja álop á støðir hjá yvirgangsmonnum, sigur hann.

SÍ EISINI Russland riggar av í Sýria

Pankov minnir á, at vápnahvíldin, sum kom í gildi 27. februar, og sum bæði USA og Russland tóku undir við, umfatar ikki Islamskan Stat ella Nusra-fylkingina, sum er partur av al-Qaeda.

Í gjár boðaði Vladimir Putin, forseti, frá, at ein stórur partur av russisku deildunum í Sýria verður tikin aftur.