Barnaheimið hjá Hitler kanska rívast niður

Barnaheimið hjá Adolf Hitler í eysturríksa býnum, Braunau am Inn, verður søga. Í øllum førum um tað stendur til stjórnina, ið hevur givið loyvi til, at húsið verður rivið niður.

Myndugleikarnir í býnum eru ikki longur áhugaðir í, at nýnasistar gera vallaraferðir til býin fyri at verða avmyndaðir framman fyri húsini hjá Führer, sum hann eisini varð nevndur.

Heimið hjá Hitler hevur síðani seinna heimsbardaga verið leigað út til stjórnina, ið hevur brúkt tað til heim fyri fólk, ið bera brek, skrivar politiken.dk

Nøkur vilja varðveita húsini

Enn er óvist, um ætlanin verður framd í verki. Ein bólkur av søgufrøðingum skal meta um søguliga virðið á bygninginum er so stórt, at húsini skulu varðveitast.

Nøkur fólk í Braunau am Inn halda, húsið skal brúkast til at húsa flóttafólkum. Onnur halda, at eitt savn skal gerast í húsunum meðan nøkur halda, húsini skulu takast niður.

Barndómsheimið hjá Hitler hevur staðið tómt síðani 2011. Eysturríkski staturin hevur goldið 36.000 krónur í leigu hvønn mánað tey síðstu fimm árini.