Stjørnan hevur fingið nýggja nevnd

Formaðurin í Stjørnuni seinastu trettan árini, Kristoffur Ragnarsson, hevur takkað fyri seg, og nýggj nevnd er vald.

Norðlýsið skrivar, at Hanna Brandal, Jastrid Gullaksen, Anna Kristina Samson og Una Váðklett manna nevndina, sum enn ikki hevur skipað seg við forkvinnu.

Hóast kappingarbyrjan nærkast, so er framvegis eingin venjari settur í Stjørnuni, men tað verður skjótt.

- Vit arbeiða við venjaraspurninginum. Bæði fyri besta liðið og hinar deildirnar, sigur Hanna Brandal við Norðlýsið.